ESSAALA EY'OKWESINGIRA BIIKIRA MARIA OMUTUUKIRIVU NGA TUJAGUZA EMYAKA 100 BUKYA ALABIKIRA E FATIMA

Ayi Biikila Maria omutuukirivu Nnyina katonda ggwe eyakkiriza okulabikira e Fatima n' obuulira abaana abasatu Lusiya ,Francisko, ne Yasinta ekkubo katonda Lyayagala tutambuliremu okubonerera ebibi byaffe okuddabiriza katonda mumazima okwebonereza nokwegayirira ennyo tuutuno tuvunnamye mu maaso go nga tukwesengereza owulirize n'ekisa essaala yaffe abaana bo abakwesiga gye tukwanjulira ogituuse eri yezu omwana wo
Tukusingira ensi yaffe Uganda otutaase akabi konna ak'omwoyo n'omubiri akatwolekedde mu nsangi zino ayi kabaka ow'emirembe tusabire emirembe egya nnamaddala egiva eri katonda ziyiza ebikolwa eby'obukambwe n'ettemu ebisusse mu nsangi zino wabeerewo okwagalana n'okusonyiwagana Mukama waffe yezu kristu bye yatuyigiriza
Ayi Nnyina w' Eklezia , Eklezia wa katonda mufunyise okussa ekimu n'eddembe Abantu bonna abamwawukanyeeko olwempaka zaabwe oba olwokuwubwa bakomye wo. Abasinga obuwakanyi nobulimba bakyuse nabo abaddiridde bakoleezeemu buggya omuliro ogwokwagala katonda.Ziyiza obukafiiri obugenda bubuna wonna. Leero tuwonye buli Kabi konna akayinza okwonoona okukkiriza kwaffe
Ayi Nnyina wokwagala okutuufu tukusingira amaka gaffe gawe okubeera amakristu ddala era gataase obutabanguko bulijjo ganywerere mu kwagalana n'eddembe Tuzze buggya mu mutima emwegayirizi.naddala tujjumbire nnyo essaala yo engganzi eya ssappule Twagazise nnyo amasakramentu amatukuvu gonna. tulyoke tufune enneema ezinaatuyamba okuluubirira obutuukirivu awatali kukoowa.
Tukusingira era obulamu bwaffe esanyu lyaffe nennaku zaffe naddala endwadde ezibuliddwako eddagala ezitudoobya mu nsangi zino. Ayi Nnyaffe atwagala ennyo. Obuyambi bwaffe bwonna Tubulindiridde Kuva gy'oli ggwe atuwolereza bulijjo eri yezu kristu omwana wo.

                 Amiina

Comments

Post a Comment

Popular posts from this blog

NOVENNA Y'EMYOYO EMITUKUVU EGIRI MU PURIGATORI

Image
OLUNAKU OLUSOOKA (1) Ayi Yezu Mulokozi wange emirundi miingi wanidde okukasukibwa mu muliro ogutazikira nga nandiboonyeboonye nnyo. Singa nnali nkasukiddwa, era kindeetera okulowooza nti nze kennyini nze neretedde okuzikirira. Nkwebaza olw'obugumikiriza bw'ondaze Katonda wange nkwagala okusinga ebintu ebirala byonna neenenyeza nga nzija kuntobo y'omutima gwange olw'okukusobya nga ate ggwe oli bulungi obutakoma. Kati wakiri nnalondawo okufa okusinga okuddamu okusobya. Mpa enneema y'okunyiikira. Nkwatirwa ekisa wamu n'emyoyo egiri mu purigatori. Maria Nnyina Katonda giyambe n'essaalazo ez'amaanyi. Amiina Soma: Kitaffe ali muggulu........(x1)   Mirembe Maria.....(x1)   Essaala ya mulokozi wange abonaabona kulw'emyoyo egiri ma purigatori........(x1) ESSAALA YA MULOKOZI WAFFE ABONAABONA KU LW'EMYOYO EGIRI MU PURIGATORI Ayi omuwomerevu Yezu, muntuuyozo ez'omusaayi, zewafuna nga oli mu nnimiro y'eGetesimaani. Saasira emyoyo emitukuvu...
Read more

SSAPPULE YA NNYAFFE OW'EBIBONYOBONYO OMUSANVU .

Image
TUGISOME LUNYE TUYIGIRIZE N'ABALALA BANGI .  Mu linnya lya Patri n'erya Mwana n'erya Mwoyo Mutuukirivu .  Ayi Katonda , jangu Onnyambe ! Ayi Mukama , yanguwa Okunnyamba !   Yogera ebyetaago byo ....  Ekitiibwa kibe ekya Patri ........  Nzikiriza Katonda ....... Essaala Eyanjula :  Katonda wange , nkutonera Ssappule eno Ey'ebibonyobonyo Omusanvu ku Iw'okugaziya ekitiibwa kyo , n'olw'okussaamu Maama wo Omutukuvu ennyo ekitiibwa . Nja kwebuulirira ku kubonaabona kwe era nkugabaneko . Nkusaba nga oyima ku maziga ago ge yayiwanga mu budde obwo obuzibu , ompe wamu n'aboonoonyi bonna enneema ez'okubonerera ebibi byaffe .  Mpa wamu n'aboonoonyi bonna okubonerera okujjuvu okw'ebibi byaffe ' x3  Okwenoonya ( Examine your conscience )  ( Mussaala ez'enjawulo zetwesomera kinnoomu nga muno mw'otwalidde n'okwebuulirira , kiba kirungi nga enkola , okwemanyiiza okudda eri ssenga w'omutima , kuba okwenoonya kuno kuyamba nnyo mu...
Read more

OKWEGAYIRIRA NGA TWESINGIRA OMUTIMA OMUTUKUVU DDALA OGWA MARIA OMUBEEREREVU

Image
         Ayi Kabaka wa Rozaari entukuvu ddala , Ggwe ekiddukiro ky'ezzadde ly'abantu bonna , Ggwe omuwanguzi w'entalo zonna ezirumba Katonda , laba tuutuno twevuunise mu maaso go , twetowaza . Twesigidde ddala nga tooleme n'otufunira enneema kutukwatirwa nga kisa n'otuyamba mu bubenje obuliwo mu nsangi zino . Ggwe wamma situliko kalungi na kamu ke tusinziirako kwesunga ebyo , naye tusuubira okubifuna ku lw'ekisa ekitenkanika ekijjuzizza Omutima gwo ogw'omuzadde . Mu budde buno obw'entiisa ku bantu bonna , tuzze gy'oli era twesingidde eri OMUTIMA gwo Omutukuvu ddala ogutaliiko bbala , ne , tweweerayo ddala gy'oli okukwemaliza , wamu , n'Eklezia Katolika abonyaabonyezebwa wonna mu nsi , era ajoonyesebwa ng'ayigganyizibwa mu ngeri ennyingi ; wamu n'ensi zonna , kuba zirimu okukyawagana anti kye kibonerezo ky'ettima lyazo     Laba nno ebyensi n'ebyomwoyo byonna byagala okuzikiririra ddala ; laba n'ennaku ze tutubid...
Read more