ESSAALA YA YOANNA MARIA MUZEEYI OMUTUKIRIVU.

    Ayi Yoanna Maria Muzeeyi ggwe Omujulizi Omutukirivu ddala eyayagala ennyo Katonda mungeri etatendeka n'emmeeme yo yonna neweewerayo ddala n'ebibyo byonna okumuweereza mu Eklezia we ngogondera abo beyakuwa okukufuga ddala kyakufuula ekirabo eri Kristu ekimuwunyisa akawoowo.

     Olw'okwagala kwo kuno okuyitirivu, n'omukama yakufuula mukulu mutukirivu, mwayisa ebirungi enkumu okubituusa eri abantu be, Bw'otyo n'obawonyanga eddwadde nnyinji nga wayamba eddagala ly'obutonde. Ate ng'ojjudde amagezi ag'ekitalo, wayogeranga ebigambo ebiwoonya emitima egimenyese, n'ebizzaamu amaanyi abaterebuse nebitabaganya abasowaganye, kuno kwewassa n'omulimu gw'okununula abaddu, okuyamba abasibe n'okusomesa abatamanyi, bw'otyo n'ojjuza emirembe, essanyu n'okwagala mu bantu ba Katonda.

      Nkwegayiridde nnyo, ggwe omuwonya w'emyoyo n'emibiri era omuleesi w'emirembe eri abakkiriza, nnyamba onsabire mu byetago byange bino;_____
Nzikkiriza nga bijja kungasa era mbyoyamba okwagala Katonda n'abantu be, n'okuzimba omubiri gwa Kristu nga ye Eklezia.
                                        Amiina.

Ayi abajulizi abatuukirivu abomu Uganda mwenna abassa ekimu ne Yoanna Maria Muzeeyi, okugoberera Yezu Kristu n'okunywerera mu ddiini ye nemumufiirira mutusabire.

 TWEGAYIRIRE;
  Ayi Katonda ggwe eyalonda Yoanna Maria Muzeeyi n'omujjuza amaanyi ag'ekitalo, mukuyisa nga Kristu omwana wo tuwe naffe tutwale eky'okulabirako kye, naddala okuyamba abalwadde awamu n'abo abali mu mbeera ezibalumya mu myoyo ne mu mubiri tusobole naffe okutikkirwa engule ey'okuyisa obulungi. Tukikusaba nga tuyita mu Yezu Kristu Mukama waffe.
                          AMIINA.

Comments

Post a Comment

Popular posts from this blog

NOVENNA Y'EMYOYO EMITUKUVU EGIRI MU PURIGATORI

Image
OLUNAKU OLUSOOKA (1) Ayi Yezu Mulokozi wange emirundi miingi wanidde okukasukibwa mu muliro ogutazikira nga nandiboonyeboonye nnyo. Singa nnali nkasukiddwa, era kindeetera okulowooza nti nze kennyini nze neretedde okuzikirira. Nkwebaza olw'obugumikiriza bw'ondaze Katonda wange nkwagala okusinga ebintu ebirala byonna neenenyeza nga nzija kuntobo y'omutima gwange olw'okukusobya nga ate ggwe oli bulungi obutakoma. Kati wakiri nnalondawo okufa okusinga okuddamu okusobya. Mpa enneema y'okunyiikira. Nkwatirwa ekisa wamu n'emyoyo egiri mu purigatori. Maria Nnyina Katonda giyambe n'essaalazo ez'amaanyi. Amiina Soma: Kitaffe ali muggulu........(x1)   Mirembe Maria.....(x1)   Essaala ya mulokozi wange abonaabona kulw'emyoyo egiri ma purigatori........(x1) ESSAALA YA MULOKOZI WAFFE ABONAABONA KU LW'EMYOYO EGIRI MU PURIGATORI Ayi omuwomerevu Yezu, muntuuyozo ez'omusaayi, zewafuna nga oli mu nnimiro y'eGetesimaani. Saasira emyoyo emitukuvu...
Read more

SSAPPULE YA NNYAFFE OW'EBIBONYOBONYO OMUSANVU .

Image
TUGISOME LUNYE TUYIGIRIZE N'ABALALA BANGI .  Mu linnya lya Patri n'erya Mwana n'erya Mwoyo Mutuukirivu .  Ayi Katonda , jangu Onnyambe ! Ayi Mukama , yanguwa Okunnyamba !   Yogera ebyetaago byo ....  Ekitiibwa kibe ekya Patri ........  Nzikiriza Katonda ....... Essaala Eyanjula :  Katonda wange , nkutonera Ssappule eno Ey'ebibonyobonyo Omusanvu ku Iw'okugaziya ekitiibwa kyo , n'olw'okussaamu Maama wo Omutukuvu ennyo ekitiibwa . Nja kwebuulirira ku kubonaabona kwe era nkugabaneko . Nkusaba nga oyima ku maziga ago ge yayiwanga mu budde obwo obuzibu , ompe wamu n'aboonoonyi bonna enneema ez'okubonerera ebibi byaffe .  Mpa wamu n'aboonoonyi bonna okubonerera okujjuvu okw'ebibi byaffe ' x3  Okwenoonya ( Examine your conscience )  ( Mussaala ez'enjawulo zetwesomera kinnoomu nga muno mw'otwalidde n'okwebuulirira , kiba kirungi nga enkola , okwemanyiiza okudda eri ssenga w'omutima , kuba okwenoonya kuno kuyamba nnyo mu...
Read more

OKWEGAYIRIRA NGA TWESINGIRA OMUTIMA OMUTUKUVU DDALA OGWA MARIA OMUBEEREREVU

Image
         Ayi Kabaka wa Rozaari entukuvu ddala , Ggwe ekiddukiro ky'ezzadde ly'abantu bonna , Ggwe omuwanguzi w'entalo zonna ezirumba Katonda , laba tuutuno twevuunise mu maaso go , twetowaza . Twesigidde ddala nga tooleme n'otufunira enneema kutukwatirwa nga kisa n'otuyamba mu bubenje obuliwo mu nsangi zino . Ggwe wamma situliko kalungi na kamu ke tusinziirako kwesunga ebyo , naye tusuubira okubifuna ku lw'ekisa ekitenkanika ekijjuzizza Omutima gwo ogw'omuzadde . Mu budde buno obw'entiisa ku bantu bonna , tuzze gy'oli era twesingidde eri OMUTIMA gwo Omutukuvu ddala ogutaliiko bbala , ne , tweweerayo ddala gy'oli okukwemaliza , wamu , n'Eklezia Katolika abonyaabonyezebwa wonna mu nsi , era ajoonyesebwa ng'ayigganyizibwa mu ngeri ennyingi ; wamu n'ensi zonna , kuba zirimu okukyawagana anti kye kibonerezo ky'ettima lyazo     Laba nno ebyensi n'ebyomwoyo byonna byagala okuzikiririra ddala ; laba n'ennaku ze tutubid...
Read more