CATENA

 Ajja ekimpowooze ng'emmabya, omubalagavu ng'omwezi, Atemagana ng'enjuba, atiisa ng'eggye eritaze okulwana y'ani?

Omutima gwange gugulumiza Omukama. 
N'omwoyo gwange gujaguliza mu katonda, Mulokozi wange.
Kubanga yalaba obwetowaze bw'omuzaana we:
Okuva leero amawanga gonna ganampitanga wa mukisa. 
Kubanga Nnannyini Buyinza yankolera eby'amaanyi, erinya lye ligulumizibwe. 

Ekisa kye kibunye abamutya: okuva ku zzadde erimu okutuusa ku ddala. 
Yakola eby'amaanyi n'omukono gwe: n'asaasaanya abeekuza mu birowoozo bye baalowoozanga mu mitima gyabwe. 

Abeekuluntaza yabaggya ku ntebe: n'agulumiza abeetowaza. 
Abayala yabafukumulira ebirungi: abagagga n'abaggyako bukumbi. 
Yalyowa Israeli omweereza we : n'gajjukira ekisa kye. 

Nga bwe yalagaanya Bajjajjaffe: lbrayimu ne Bazzukulu be emirembe gyonna.

Ekiitibwa kibe ekya Patri n'ekya Mwana n'ekya Mwoyo Mutuukirivu. 
Nga bwe kyaliwo olubereberye, na kaakano na bulijjo, emirembe n'emirembe. Amiina

Ajja ekimpowooze ng'emmabya, omubalagavu ng'omwezi, Atemagana ng'enjuba, atiisa ng'eggye eritaze okulwana y'ani?

V Maria, eyafunibwa mu nda nga talina kibi kisikire. 
R Tusabire ffe abaddukira gy 'oli.

Twegayirire
  Ayi Mukama waffe Yezu Kristu; atuwoolereza eri Patri, Ggwe, eyakkiriza n'essanyu okulonda Biikira Maria abeere Nnyoko era abeere Nnyaffe ng'ate eruuyi ye muwolereza waffe gy'oli, buli yeenna addukira gy'oli ng'ayagala okubeera mukwano gwo, mukkirize okubeera Nnyoko wo oyo. Amiina

Comments

Post a Comment

Popular posts from this blog

NOVENNA Y'EMYOYO EMITUKUVU EGIRI MU PURIGATORI

Image
OLUNAKU OLUSOOKA (1) Ayi Yezu Mulokozi wange emirundi miingi wanidde okukasukibwa mu muliro ogutazikira nga nandiboonyeboonye nnyo. Singa nnali nkasukiddwa, era kindeetera okulowooza nti nze kennyini nze neretedde okuzikirira. Nkwebaza olw'obugumikiriza bw'ondaze Katonda wange nkwagala okusinga ebintu ebirala byonna neenenyeza nga nzija kuntobo y'omutima gwange olw'okukusobya nga ate ggwe oli bulungi obutakoma. Kati wakiri nnalondawo okufa okusinga okuddamu okusobya. Mpa enneema y'okunyiikira. Nkwatirwa ekisa wamu n'emyoyo egiri mu purigatori. Maria Nnyina Katonda giyambe n'essaalazo ez'amaanyi. Amiina Soma: Kitaffe ali muggulu........(x1)   Mirembe Maria.....(x1)   Essaala ya mulokozi wange abonaabona kulw'emyoyo egiri ma purigatori........(x1) ESSAALA YA MULOKOZI WAFFE ABONAABONA KU LW'EMYOYO EGIRI MU PURIGATORI Ayi omuwomerevu Yezu, muntuuyozo ez'omusaayi, zewafuna nga oli mu nnimiro y'eGetesimaani. Saasira emyoyo emitukuvu...
Read more

SSAPPULE YA NNYAFFE OW'EBIBONYOBONYO OMUSANVU .

Image
TUGISOME LUNYE TUYIGIRIZE N'ABALALA BANGI .  Mu linnya lya Patri n'erya Mwana n'erya Mwoyo Mutuukirivu .  Ayi Katonda , jangu Onnyambe ! Ayi Mukama , yanguwa Okunnyamba !   Yogera ebyetaago byo ....  Ekitiibwa kibe ekya Patri ........  Nzikiriza Katonda ....... Essaala Eyanjula :  Katonda wange , nkutonera Ssappule eno Ey'ebibonyobonyo Omusanvu ku Iw'okugaziya ekitiibwa kyo , n'olw'okussaamu Maama wo Omutukuvu ennyo ekitiibwa . Nja kwebuulirira ku kubonaabona kwe era nkugabaneko . Nkusaba nga oyima ku maziga ago ge yayiwanga mu budde obwo obuzibu , ompe wamu n'aboonoonyi bonna enneema ez'okubonerera ebibi byaffe .  Mpa wamu n'aboonoonyi bonna okubonerera okujjuvu okw'ebibi byaffe ' x3  Okwenoonya ( Examine your conscience )  ( Mussaala ez'enjawulo zetwesomera kinnoomu nga muno mw'otwalidde n'okwebuulirira , kiba kirungi nga enkola , okwemanyiiza okudda eri ssenga w'omutima , kuba okwenoonya kuno kuyamba nnyo mu...
Read more

OKWEGAYIRIRA NGA TWESINGIRA OMUTIMA OMUTUKUVU DDALA OGWA MARIA OMUBEEREREVU

Image
         Ayi Kabaka wa Rozaari entukuvu ddala , Ggwe ekiddukiro ky'ezzadde ly'abantu bonna , Ggwe omuwanguzi w'entalo zonna ezirumba Katonda , laba tuutuno twevuunise mu maaso go , twetowaza . Twesigidde ddala nga tooleme n'otufunira enneema kutukwatirwa nga kisa n'otuyamba mu bubenje obuliwo mu nsangi zino . Ggwe wamma situliko kalungi na kamu ke tusinziirako kwesunga ebyo , naye tusuubira okubifuna ku lw'ekisa ekitenkanika ekijjuzizza Omutima gwo ogw'omuzadde . Mu budde buno obw'entiisa ku bantu bonna , tuzze gy'oli era twesingidde eri OMUTIMA gwo Omutukuvu ddala ogutaliiko bbala , ne , tweweerayo ddala gy'oli okukwemaliza , wamu , n'Eklezia Katolika abonyaabonyezebwa wonna mu nsi , era ajoonyesebwa ng'ayigganyizibwa mu ngeri ennyingi ; wamu n'ensi zonna , kuba zirimu okukyawagana anti kye kibonerezo ky'ettima lyazo     Laba nno ebyensi n'ebyomwoyo byonna byagala okuzikiririra ddala ; laba n'ennaku ze tutubid...
Read more