NOVENA YA YOZEFU OMUTUUKIRIVU (OKUVA NGA MARCH 10-19)

Ayi Kitaffe Yozefu omutuukirivu ow’ekitiibwa ennyo, ggwe omugoberezi wa Yezu omwesigwa, tuddukira gy’oli nga tukuwanjagira, olw’obuwolereza bwo obw’amaanyi, tukusaba otufunire eri Omutima gw’omwanawo Yezu omusaasizi, ebyetaago byaffe byonna eby’omwoyo n’eby’omubiri, naddala enneema ey’okufa obulungi. Mu ngeri ey’enjawulo, tukusaba otufunireyo ebyetaago byaffe bino bye tukwanjulira. (Wano siriikiriramu oyanjuleyo ebyetaagobyo). 

Ayi Omukuumi wa Kigambo eyefuula Omuntu, tumanyi bulungi nti essaala zo tezigwa butaka, era tukakasa nti nga ozitwanjulidde eri Katonda Kitaffe, tetuleme kufuna byonna bye tukusabye, ku lw’ekitiibwa kya Katonda, ne ku lw’obulungi bwaffe. 

AKULEMBERA : Ayi Yozefu Omutuukirivu ow’ekitiibwa, olw’okwagala kwe wayagalamu Yezu Kristu n’olw’ekitiibwa ky’erinnya lye; 

FFENNA : Wuliriza essaala zaffe, otufunire eri Katonda ebyetaago byaffe. 

YEZU, MARIA YOZEFU, MBAAGALA MULOKOLE EMYOYO. 

( Oyinza okukiddamu emirundi 7, okujjukira ebikolwa bya Yozefu eby’essanyu n’ennaku omusanvu) 

AMATENDO GA YOZEFU OMUTUUKIRIVU  

Ayi Mukama, tusaasire X2 

Ayi Kristu, tusaasire X2 

Ayi Mukama, tusaasire X2 

Ayi Kristu, tuwulire

Ayi Kristu, tuwe.

Patri ow’omu ggulu Katonda , tusaasire 

Mwana Omun unuzi w’ensi Katonda, tusaasire 

Mwoyo Mutuukirivu Katonda, tusaasire 

Trinita Omutuukirivu Katonda omu, tusaasire 

Maria Omutuukirivu, tusabire 

Yozefu Omutuukirivu, tusabire 

Muzzukulu omukulu ennyo owa Daudi, tusabire 

Mukulu wa Bajjajja, tusabire 

Bba Nnyina Katonda, tusabire 

Mukuumi omutukuvu owa Bikira, tusabire 

M ukuza w’Omwana wa Katonda, tusabire 

Mukuumi omwesigwa owa Yezu Kristu, tusabire 

Mukulu w ’ekika ekitukuvu, tusabire 

Yozefu Omutuukirivu ddala, tusabire 

Yozefu Omutukuvu ddala, tusabire 

Yozefu omwegendereza ddala, tusabire 

Yozefu omuvumu ddala, tusabire 

Yozefu omuwulize mu byonna, tusabire 

Yozefu ow ’obwesige obungi ddala, tusabire

  Ndabirwamu y ’obugumiikiriza, tusabire 

Mwagazi w ’obwavu, tusabire 

Ggwe alabirwako abakozi b ’emirimu, tusabire 

Ttendo ly ’omu maka, tusabire 

Mukuumi w ’ababeererevu, tusabire 

Luwaga w ’ebika byonna, tusabire 

Kikubagizo ky ’abanaku, tusabire 

Ssuubi ly ’abalwadde, tusabire 

Muwolereza w ’abazirika, tusabire 

Ntiisa y ’amasitaani, tusabire 

Mukubiriza w ’Eklezia Omutukuvu, tusabire 

Kaliga ka Katonda akaggyawo ebibi by’ensi, 

-Tusonyiwe, ayi Mukama 

Kaliga ka Katonda akaggyawo ebibi by’ensi, 

-Tuwe ayi Mukama 

Kaliga ka Katonda akaggyawo ebibi by’ensi, 

-Tusaasire. 

AKULEMBERA : Omukama yamufuula omukulu w’ennyumba ye, 

FFENNA : n’amuwa n’okulabirira ebintu bye byonna. 

TWEGAYIRIRE 

Ayi Katonda, Ggwe eyateesa mu magezi go agatatendeka, okulonda Yozefu Omutuu-kirivu abeere bba Nnamasole wo omutuukirivu ddala, era omukuza w’Omwana wo, tukwegayiridde, tuwe oyo gwe tussaamu ekitiibwa nga mukubiriza waffe mu nsi, abeere muwolereza waffe mu ggulu. Ggwe awangaala ng’olamula emirembe egitaggwaawo. Amiina. 

ESSAALA Y ’OMWAKA GWA YOZEFU OMUTUUKIRIVU (Paapa Leo XIII) 

Ayi Yozefu Omutuukirivu tuddukira gy ’oli mu nnaku zaffe; ate nga tumaze okwegayirira Omugole wo Omutuukirivu ddala atujune, tukuwanjagira naawe, nga tukwesiga nnyo, otuwolereze. Okubeera okwagala kwe wayagalamu Bikira Maria ataliiko bbala, Nnyina Katonda, n’okubeera omutima ogw’obuzadde gwe walina ku Mwana Yezu, tukwegayiridde nnyo, tunuuliza ekisa ezzadde Yezu Kristu lye yanunuza omusaayi gwe; era tujune mu byetaago byaffe, n’obuyinza bwo n’obuyambi bwo. 

Ayi Mukuumi w’ekika kya Katonda omwegendereza ddala, kuuma ezzadde lya Yezu eryalondebwamu. Ayi Kitaffe, atwagalira ddala, tugobeeko akabi konna akatuwabya n’akatwonoona. Tugirire ekisa, ayi Mukubirizi waffe ow’obuyinza; Ng’oyima mu ggulu tuzibire mu lutalo lwe tulwana n’amasitaani. Era nga bwewaggya edda Omwana Yezu mu kabi ak’okufa, na kaakano Eklezia wa Katonda Omutukuvu, mutaase mu mikono gy’omulabe ne mu kabi konna.  

Tubikkeko akasubi ffenna bulijjo, tulabirenga ku bikolwa byo ebirungi naawe nga bw’otujuna, tuyise bulungi mu bulamu bwaffe, tufe bulungi, tuweebwe okwesiima okw’emirembe n’emirembe mu ggulu. Amiina. 

Ayi Yozefu Omutuukirivu omukuumi w’Eklezia Omutukuvu –Tusabire.