ESSAALA YA YEZU OMUTO(Divine Infant Of Prague)


Ayi Yezu Omuto, ensulo y'ebirungi
byonna. Obulamu bw'omutima gwo
tebulina makoma, n'obugagga
bw'omukono gwo tebupimika
bunene bulinga omugga.
Ffe abantu bo abalakasidde.
Tubunduggulire ebitone byo
otujjuze emikisa gyo kaakano ne
mu mirembe gyonna Ggwe
bw'otokuuma byaffe tuba
tutengejjera busa! Ayi Yezu omuto,
omuyinza wa buli kantu, golola
omukono gwo, owe ebintu byaffe
omukisa.
Bitaase emitawaana,
n'okwonoonebwa (okufaafaagana).
Tuwe enneema ze twetaaga,
okweyambisa obulungi ebintu
byaffe nga ggwe bw'oyagala, era
naffe ffennyini tuwe okweyisa mu
ngeri esaanye tusobole
okusanyusa bannaffe
olw'okukwagala.
Bwe tutyo tusobole
okwekuŋŋanyiza obugagga mu
Ggulu, eyo omubbi gy'atayinza
kuyingira, n'obukuku n'obutalagge
gye bitayinza kubwonoonera.
Amiina,
Tweyunye gy'oli Ayi Omuzadde
Omutuukirivu wa Katonda, togaya
bwetaavu bwaffe, mu kwegayirira
kwaffe, naye tulokole mu bubi
bwonna, Ayi Biikira Omubeererevu
Omutiibwa. Amiina.

Comments

Post a Comment

Popular posts from this blog

NOVENNA Y'EMYOYO EMITUKUVU EGIRI MU PURIGATORI

Image
OLUNAKU OLUSOOKA (1) Ayi Yezu Mulokozi wange emirundi miingi wanidde okukasukibwa mu muliro ogutazikira nga nandiboonyeboonye nnyo. Singa nnali nkasukiddwa, era kindeetera okulowooza nti nze kennyini nze neretedde okuzikirira. Nkwebaza olw'obugumikiriza bw'ondaze Katonda wange nkwagala okusinga ebintu ebirala byonna neenenyeza nga nzija kuntobo y'omutima gwange olw'okukusobya nga ate ggwe oli bulungi obutakoma. Kati wakiri nnalondawo okufa okusinga okuddamu okusobya. Mpa enneema y'okunyiikira. Nkwatirwa ekisa wamu n'emyoyo egiri mu purigatori. Maria Nnyina Katonda giyambe n'essaalazo ez'amaanyi. Amiina Soma: Kitaffe ali muggulu........(x1)   Mirembe Maria.....(x1)   Essaala ya mulokozi wange abonaabona kulw'emyoyo egiri ma purigatori........(x1) ESSAALA YA MULOKOZI WAFFE ABONAABONA KU LW'EMYOYO EGIRI MU PURIGATORI Ayi omuwomerevu Yezu, muntuuyozo ez'omusaayi, zewafuna nga oli mu nnimiro y'eGetesimaani. Saasira emyoyo emitukuvu...
Read more

SSAPPULE YA NNYAFFE OW'EBIBONYOBONYO OMUSANVU .

Image
TUGISOME LUNYE TUYIGIRIZE N'ABALALA BANGI .  Mu linnya lya Patri n'erya Mwana n'erya Mwoyo Mutuukirivu .  Ayi Katonda , jangu Onnyambe ! Ayi Mukama , yanguwa Okunnyamba !   Yogera ebyetaago byo ....  Ekitiibwa kibe ekya Patri ........  Nzikiriza Katonda ....... Essaala Eyanjula :  Katonda wange , nkutonera Ssappule eno Ey'ebibonyobonyo Omusanvu ku Iw'okugaziya ekitiibwa kyo , n'olw'okussaamu Maama wo Omutukuvu ennyo ekitiibwa . Nja kwebuulirira ku kubonaabona kwe era nkugabaneko . Nkusaba nga oyima ku maziga ago ge yayiwanga mu budde obwo obuzibu , ompe wamu n'aboonoonyi bonna enneema ez'okubonerera ebibi byaffe .  Mpa wamu n'aboonoonyi bonna okubonerera okujjuvu okw'ebibi byaffe ' x3  Okwenoonya ( Examine your conscience )  ( Mussaala ez'enjawulo zetwesomera kinnoomu nga muno mw'otwalidde n'okwebuulirira , kiba kirungi nga enkola , okwemanyiiza okudda eri ssenga w'omutima , kuba okwenoonya kuno kuyamba nnyo mu...
Read more

AMATENDO GA NNYAFFE OW'EBIBONYOBONYO OMUSANVU . ( PAAPA PIO VII )

Image
 Ayi Mukama tusaasire ..........Ayi Mukama tusaasire   Ayi Kristu tusaasire.....Ayi Kristu tusaasire  Ayi Mukama tusaasire ..... Ayi Mukama tusaasire  Ayi Kristu Tuwulire... ..Ayi Kristu tuwe  Patri ow'omu ggulu Katonda.... Tusasire  Mwana Omununuzi w'ensi Katonda.....  Mwoyo Mutuukirivu Katonda ... .. Trinita Omutuukirivu Katonda omu....  Maria Omutuukirivu .... Otusabire  Maria Omutuukirivu Nnyina Katonda..... Otusabire  Omubeererevu omugole w'ababeererevu.....  Nnyina w'eyakomererwa....  Omuzadde anyoleddwa....  Omuzadde akungubaga....  Omuzadde akaaba....  Omuzadde anakuwadde....  Omuzadde eyerabiddwa.....  Omuzadde asinga okuba omunakuwavu.....  Omuzadde eyetooloddwa ennyike....  Omuzadde eyabutikirwa ennyike.....  Omuzadde eyatungibwa empiima.....  Omuzadde eyakomereerwa omutima....  Omuzadde eyanakuwazibwa okufa kwa mutabani wo Ejjuba erisinda....  N...
Read more